Ritepengan rahina Redite Kliwon Watugunung, 17 April 11 galah: 08.00 kawastanin Puncak Karya., Petirtan, Mekebat Daun. Pemuput karya duke rahina puniki wenten tigang diri sulinggih, inggih ipun: Ida Peranda Gede Telaga Grya Telaga Sanur. Ida Peranda Nabe saking Grya Jumpung Timpag, Ida Peranda Jelantik Giri Puspa Grya Peliatan Ubud. Makweh damuh Ida Betara Sesuhunan sane pedek tangkil ngaturang ayah-ayahan ipune. Taler ring galahe sane becik puniki sang angewerat Bapak Wali Kota kasarengin olih Bapak Sekda Kota Denpasar ledang arsa mapasaksi ring upacara sane dahat suci puniki.
Archive for April 17th, 2011
PUNCAK KARYA WRHASPATI KALPA AGUNG RING PURA DALEM SUNIANTARA
Posted in Dewa Yadnya, ORTI on 17 April 2011| Leave a Comment »
PARA ALIT-ALITE LAN DANE SAMETON BANJAR KARANGSUWUNG NGAYAH RING PURA DALEM SUNIANTARA
Posted in Dewa Yadnya, ORTI on 17 April 2011| Leave a Comment »
Wenten makudang-kudang paletan acara sane mamargi sadaweg pamelastian karya Wrhaspati Kalpa ring Pura Suniantara. Risampune Ida Betara mewali saking segara manuju ke Pura Suniantara, ring jaba sisi kapendak antuk pailen-ilen marupa sasolahan rejang dewa lan Baris Gede sane kasolahang olih para alit-alite (Rejang dewa) lan sameton banjar Karangsuwung (Baris Gede, taler kairing olih tetabuhan utawi tetanduran nyane)
KERAWUHAN RIKALA PAMELASTIAN RING SEGARA
Posted in Dewa Yadnya, ORTI on 17 April 2011| Leave a Comment »
Rikalane Ida anak lingsir sampun puput ngemargiang saupakara sane kawastanin pemargi pamelastian. Mangkin para pemangku lanang istri nglaksanayang pailehan NGELANGSIH. Duk punika para pemangku akweh sane kerawuhan, menawita ingkah-ingkuh sakadi kecapi puniki sampun mawasta tradisi sane ka anut saking ilu lintang lan para pemangkune nenten purun tan ngemargiang ingkah-ingkuhe sakadi punika. Ring sor puniki wenten gambar bergerak utawi movie sadaweg pamargi ngelangsih ring sajeroning pamelastian eedan Karya Wrhaspati Kalpa Agung Pura Dalem Suniantara.
MELASTI RING KARYA WHRASPATI KALPA AGUNG PURA DALEM SUNIANTARA
Posted in Dewa Yadnya, ORTI on 17 April 2011| Leave a Comment »
Sakadi sane sampun kasurat ring dudonan karya ring Pura Dalem Suniantara, punika mawinan ring rahina Sukra 15 April 2011 kamargiang acara Melasti saking Jalan Imam Bonjol, Ida Betara lan dane pamedek makasami mamontoran nyujur ke segara pantai Kuta. Pamargi upacara puniki kapuput olih Ida Peranda Gede Sari Arimbawa Putra Grya Sari Tegal.